Jubileum 2015

Kulturrådet 50 år 1965 - 2015

Ráđđeláhttu

Edel Hætta Eriksen

Edel Hætta Eriksen ovddidii sámi kultuvrra Kulturráđis.

Edel Hætta Eriksen ovddidii sámi kultuvrra Kulturráđis.

Edel Hætta Eriksena áigodat Kulturráđis mearkkašii sutnje olu. – Mun ožžon buori máhcahaga bargui čalmmustahttit sámi kultuvrra, muitala son.

Dán jagi deavdá Kulturráđđi 50 jagi. Neahttasiiddus Kulturaadet.no lea ráidu mas jearahallat áirasiid dan rájes go vuosttaš ráđđi nammaduvvui jagi 1965. Ovdal leat jearahallan Torbjørn Rodahl ja Audgunn Oltedal, ja dán vuoru Edel Hætta Eriksena.

Les intervjuet på bokmål

Namma: Edel Hætta Eriksen (riegádan golggotmánu 17.b. 1921)
Ráđđeláhttu: 1977-1980 ja 1981-1984
Ruovttubáiki: Guovdageaidnu, Finnmárku
Biografiija: Edel Hætta Eriksen lea pedagoga ja kulturpolitihkkár. Son lei oahpaheaddji, adjunkta ja rektor Guovdageainnu mánáid- ja nuoraidskuvllas, ja čađat guovddážis bargguin ovddidit sámi giela ja kultuvrra. Eriksen šattai Sámi oahpahusráđi vuosttaš direktevrra, ja lei mielde jorgalahttimin Norgga skuvlapolitihkka assimilatora politihkas skuvlii sámi oahpiid várás

1. Mii lea du mielas Kulturráđi  mearkkašupmi  Norgga dáidda ja kultuvrraeallimii?

- Mu mielas leamaš Kulturráđis dehálaš doaibma Norggas čalmmustahttit dáidda ja kultuvrra mii ii lean nu oidnosis servvodagas. Munnje lea erenoamáš dehálaš dat maid Kulturráđđi lea dahkan sámi kultuvrra ektui. Ovdal lei dát tabu, muhto Kulturráđđi ja dáđis maid Sámedikki sámi kulturráđi dahke sámi kultuvrra dovddusin.

2. Leat go erenoamáš muittut ráđđelahttu áigodagas?

 - In muitte gal dihto prošeavttaid, lea nu áigá. Muhto muittán mátkkoštemiid miehta riika gos deaivvadeimmet kulturbargiin ja oahpásmuvaimet dáidagii ja kultuvrii.  Ja lean giitevaš go ráđis ledje nu mielas ovddidit sámi kultuvrra.

3. Mat ledje Kulturráđi stuorámus hástalusat dien áigge?

 - Dien gal lea váttis vástidit, muhto dáiddii dat ahte suorgi mainna barggaimet lei nu viiddis ja stuoris. Lei maid hástalus dahkat sámi kultuvrra dovddusin almmolaččat. Go jo dan ii lean dahkan oktage ovdal, de lei ollu bargu. Muhto Kulturráđi nana doarjja lei munnje veahkkin. 

Oversatt av Nancy Porsanger


blog comments powered by Disqus