Informasjonsmøte i Bergen 24. juni
Hordaland fylkeskommune, saman med Norsk kulturråd arrangerer onsdag 24. juni eit informasjonsmøte om EU sitt kulturprogram. Kulturverksemder frå Hordaland vil presentere og dele erfaringar frå deltaking i EU-støtta kulturprosjekt og Norsk kulturråd vil gi råd for søknadsarbeidet. (10.06.09)
I samarbeid med Norsk kulturråd ønskjer Hordaland fylkeskommune, ved Europakontoret og Kultur- og idrettsavdelinga, velkomen til informasjonsmøte om EUs kulturprogram i Bergen. Norsk kulturråd er nasjonalt kontaktpunkt for Kulturprogrammet og vil informere om ordninga og gi tips og råd for søknadsarbeidet. Kulturverksemder frå Hordaland vil presentere og dele erfaringar frå deltaking i EU-støtta kulturprosjekt. Møtet er ope for alle interesserte.
EUs kulturprogram skal fremje eit felles europeisk kulturområde gjennom å stimulere til samarbeid mellom kulturverksemder i Europa. 34 europeiske land deltek i ordninga, som er open for offentlege og private verksemder frå heile kulturfeltet, med unntak av film. Privatpersonar kan ikkje søkje. I 2009 skal rundt 45 millionar euro delast ut til kulturføremål gjennom programmet.
Sjå program for informasjonsmøtet
Påmeldingsfrist 19. juni. Enkel lunsjservering.
Ved spørsmål kontakt: Dagny Ygre-Herland, Kultur- og idrettsavdelinga, tlf. 55 23 91 90 og Marit Einen, Europakontoret, tlf. 55 23 95 40