Rådsmøte

Rådsmøta blir haldne seks gonger i året. Her møtest medlemmane i rådet til faglege diskusjonar og gjennomgang av siste søknadsrunde. Rådet blir orientert om vedtaka i fagutvala og ein gjer også enkeltvedtak i saker som utvala ønskjer at rådet skal drøfte. Dette kan vere saker som utvala meiner er av spesiell interesse for rådet, saker av prinsipiell karakter, saker som blir behandla over fleire utval eller saker der det er usemje i fagutvala.

Rådsmøta blir haldne om lag tre månader etter hovudsøknadsfristane for Norsk kulturfond.

Norsk kulturfond

Norsk kulturfond har til oppgåve å stimulere nyskapande kunst- og kulturaktivitet og formidle kunst- og kulturverdiar til så mange som mogleg. Norsk kulturråd fordeler midlane ut frå fagleg og kunstnarleg skjøn i samsvar med formålet til Kulturfondet.

Privatpersonar, organisasjonar og ulike institusjonar kan søkje tilskot innanfor områda litteratur og tidsskrift, musikk, biletkunst og kunsthandverk, scenekunst, kulturvern, barne- og ungdomskultur, rom for kunst/kulturarenaer, tiltak med tverrfagleg innhald og andre tiltak som kjem inn under fondet sitt formål. Det blir lagt vekt på tiltak som er med på å realisere eit kulturelt og kunstnarleg mangfald.

Lenker til meir informasjon om rådsmøtet

• Rådsmedlemmar
• Om rådet, fagutval møtekalendar og sakspapir